İDMAN


Rakan Abdullah Alfehaid: Azərbaycanda gimnastika sürətlə inkişaf edir VİDEO

Bakı, 2 dekabr, AZƏRTAC

Azərbaycanda gimnastika sürətlə inkişaf edir. İdmanın bu növü ölkənizdə çox populyardır və gimnastlarınız beynəlxalq arenada uğurlu çıxışları ilə fərqlənirlər.

Bu sözləri AZƏRTAC-a məxsusi müsahibəsində Beynəlxalq Gimnastika Federasiyasının (FIG) Bakıda keçirilən 82-ci Konqresində iştirak edən Səudiyyə Ərəbistanının nümayəndə heyətinin üzvü Rakan Abdullah Alfehaid deyib.

Azərbaycana ikinci dəfə səfər etdiyini vurğulayan qonaq Konqresin yüksək səviyyədə təşkil olunduğunu bildirərək deyib: “Konqres gimnastikanın inkişafına töhfə verəcək. Burada maraqlı mövzular və qarşıda duran məsələlər müzakirə edilir. Azərbaycan həmişə yüksək təşkilatçılıq bacarığı ilə seçilib. Biz bu dəfə də bunun şahidi olduq”.

Bakının gözəlliyi məni heyran etdi. Paytaxtınız Qərb ilə Şərq arxitekturasını özündə cəmləşdirib. Müasir və baxımlı binalar zövq oxşayır. Xəzər dənizi isə Bakıya ayrıca gözəllik verir”, - deyə qonaq vurğulayıb.

Qeyd edək ki, FIG-nin Nizamnaməsinə əsasən, ən yüksək ali orqan sayılan Konqresdə 115-dən çox ölkədən 300-ə yaxın nümayəndə iştirak edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.