İDMAN


Ralli-kross üzrə dünya çempionatının 10-cu mərhələsində Yohan Kristofferson qalib gəlib

Bakı, 20 sentyabr, AZƏRTAC

Ralli–kross üzrə dünya çempionatının növbəti - 10-cu mərhələsi Latviyada keçirilib.

Azərbaycan Avtomobil Federasiyasından AZƏRTAC-a bildirilib ki, uzunluğu 1294 kilometr olan marşrutda ən yaxşı nəticəni Yohan Kristofferson göstərib. “Volkswagen” komandasının təmsilçisi finişə 5 dəqiqə, 6,673 saniyəyə çatmaqla fəxri kürsünün ən yüksək pilləsinə qalxıb. İkinci yeri “EKS RX” kollektivinin təmsilçisi Mattias Ekström tutub. Onun yekun nəticəsi 5 dəqiqə, 9,038 saniyə olub. Dünya çempionu Sebastyen Löb isə 5 dəqiqə, 10,592 saniyəlik göstərici ilə üçüncü yerlə kifayətlənib.

Bu mərhələdən sonra ümumi hesabda liderlik 271 xalla Y.Kristoffersona məxsusdur. Aktivində 209 xal olan P.Solberq ikinci, M.Ekström isə 204 xalla üçüncüdür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.