REGİONLAR


Rayonlararası yeni su bölgüsü qrafiklərinin icrasına başlanılıb

Bakı, 22 iyun, AZƏRTAC

Azərbaycan Meliorasiya və Su Təsərrüfatı ASC-də sədr müavini Zakir Quliyevin rəhbərliyi ilə əkin sahələrinin su təminatı mövzusunda növbəti videokonfrans keçirilib. Konfransda Araz çayı üzərində yerləşən Mil-Muğan hidroqovşağından götürülən sularla əkin sahələri suvarılan rayonların istismar idarələrinin rəhbər işçiləri, həmçinin Cəmiyyətin aidiyyəti şöbə müdirləri və mütəxəssisləri iştirak ediblər.

ASC-dən AZƏRTAC-a bildiriblər ki, konfransda su bölgüsü ilə bağlı müzakirələr aparılıb. İclasda Səhmdar Cəmiyyətin sədr müavini Zakir Quliyev həmin sahələrə xidmət edən suvarma şəbəkələrində, nasos stansiyalarında və subartezian quyularında həyata keçirilən təmir işlərinin vaxtında başa çatdırılması, suvarmada olan çətinliklərin aradan qaldırılması və mövcud su ehtiyatlarından daha səmərəli istifadə etməklə əkin sahələrinin suvarma suyu ilə təmin olunması ilə bağlı müvafiq tapşırıqlar verib.

Qeyd edək ki, rayonlararası yeni su bölgüsü qrafikləri hazırlanaraq, onların icrasına başlanılıb.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.