İDMAN


“Real Madrid” Eden Hazarda görə “Çelsi”yə 115 milyon avroluq təklif göndərib

Bakı, 12 mart, AZƏRTAC

İspaniyanın “Real Madrid” futbol klubu belçikalı yarımmüdafiəçi Eden Hazarda görə, “Çelsi”yə 115 milyon avroluq təklif göndərib.

AZƏRTAC xarici KİV-lərə istinadla xəbər verir ki, martın 11-də fransalı baş məşqçi Zinəddin Zidan vəzifəsinə geri döndükdən sonra klub rəhbərliyi Eden Hazardın transferi üçün London təmsilçisinə 115 milyon avro təklif edib. Zidanın geri qayıtması Hazardın Madrid komandasına transfer olunmasına müsbət təsir edə bilər.

Eden Hazard 2012-ci ildən “Çelsi” komandasının formasını geyinir. Belçikalı yarımmüdafiəçi London klubunda Avropa Liqası, Futbol Liqası Kuboku, iki dəfə İngiltərə çempionatı və İngiltərə Kuboku yarışlarının qalibi adını qazanıb. O, Rusiyada keçirilən futbol üzrə XXI dünya çempionatında Belçika milli komandasının heyətində bürünc medala layiq görülüb.

Qeyd edək ki, Madrid klubu cari mövsümdə İspaniya çempionatında 27 oyundan sonra 21 xalla üçüncü yerdə qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.