İDMAN


“Real Madrid” klubu Neymarla bağlı xəbərlərə aydınlıq gətirib

Bakı, 16 iyul, AZƏRTAC

İspaniyanın “Real Madrid” klubu xeyli müddətdir gəzən şayiələrə son qoyub.

AZƏRTAC xəbər verir ki, Madrid təmsilçisi Braziliya millisi və PSJ-nin futbolçusu Neymarı transfer edəcəklərinə dair xəbərləri təkzib edib.

“PSJ-nin futbolçusu Neymar və klubumuzla bağlı şayiə dolu xəbərlərin çoxluğunu nəzərə alaraq, “Real Madrid” klubunun rəhbərliyi məsələyə aydınlıq gətirərək bəyan edir ki, sözügedən oyunçunun transferi ilə heç bir təklif irəli sürməyi planlaşdırılmır. “Real Madrid” və PSJ arasında yaxşı münasibətlər var. Bu səbəbdən də oyunçunu transfer etmək istəsək, ilk növbədə onun klubuna müraciət edərik”, – deyə klubun prezidenti Flarentino Peres bildirib.

Son günlərdə “Real Madrid”ın 26 yaşlı braziliyalının transferi üçün əlindən gələni etdiyinə dair xəbərlər dolaşırdı. Hətta Madrid klubunun prezidenti Florentino Peresin Neymarın atası (eyni zamanda meneceri) ilə görüşdüyü də iddia edilirdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.