İQTİSADİYYAT


“Rebuild Karabakh” sərgisində “İşğaldan azad edilmiş ərazilərdə Yaşıl Enerji Zonası” adlı təqdimat olub

Bakı, 22 oktyabr, AZƏRTAC

Oktyabrın 20-dən başlayaraq Bakı Ekspo Mərkəzində keçirilən “Rebuild Karabakh” - 1-ci Azərbaycan Beynəlxalq “Qarabağın Bərpa, Yenidənqurma və İnkişafı” sərgisində Energetika Nazirliyi də iştirak edib.

AZƏRTAC xəbər verir ki, nazirlik Azərbaycan Respublikası Dövlət Neft Şirkəti, “Azərenerji” ASC və “Azərişıq” ASC ilə birgə “Qarabağ Yaşıl Enerji Zonası” adlı stendlə təmsil olunub.

Stenddə sərgi iştirakçılarına işğaldan azad edilmiş ərazilərdə tikintisi davam edən və planlaşdırılan enerji layihələri barədə məlumat verilib, Qarabağ və Şərqi Zəngəzurun enerji potensialı, azad olunmuş bölgələrdə “yaşıl energetika”nın inkişafı imkanları, enerji infrastrukturunun bərpası və yenidən qurulması ilə əlaqədar görülmüş işlər və gələcək planlar haqqında həm video, həm də statik formada materiallar nümayiş olunub, “İşğaldan azad edilmiş ərazilərdə Yaşıl Enerji Zonası” adlı təqdimat keçirilib.

Sərgidə iştirakın əsas məqsədi regiondakı enerji obyektlərinin yenidən qurulması, zəruri infrastrukturun bərpası prosesinin effektivliyini artırmaq, bu istiqamətdə özəl-dövlət tərəfdaşlığını möhkəmləndirmək, bölgələrin inkişafı üçün ən cəlbedici və səmərəli məhsul, layihə və həlləri nümayiş etdirməkdən ibarətdir.

Qeyd edək ki, ilk dəfə olaraq keçirilən və dünyanın 17 ölkəsindən 279 şirkətin məhsullarının nümayiş olunduğu “Rebuild Karabakh” sərgisi bu gün başa çatacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.