DÜNYA


Rəcəb Tayyib Ərdoğan Emmanuel Makronla Ukraynadakı gərginliyi müzakirə edib

İstanbul, 5 may, AZƏRTAC

Türkiyə Prezidenti Rəcəb Tayyib Ərdoğan ilə yenidən Fransa Prezidenti seçilən Emmanuel Makron arasında telefon danışığı olub.

AZƏRTAC xəbər verir ki, bu barədə Türkiyə Prezidenti Administrasiyasının Kommunikasiya İdarəsi məlumat yayıb.

Bildirilib ki, danışıq zamanı Türkiyə-Fransa münasibətlərinin yaxşılaşdırılması istiqamətində atılacaq addımlar, eləcə də başda Rusiya-Ukrayna böhranı olmaqla regional məsələlər müzakirə edilib.

Emmanuel Makronu yenidən Fransa Prezidenti seçilməsi münasibətilə təbrik edən Türkiyə Prezidenti seçkinin nəticələrinin Fransa üçün xeyirli olmasını arzulayıb.

Prezident Ərdoğan Türkiyə-Fransa əlaqələrinin ortaq qitə olan Avropanın dünyadakı rolu baxımından da böyük əhəmiyyət kəsb etdiyini bildirib.

Türkiyə olaraq Ukraynadakı gərginliyin diplomatiya yolu ilə bitirmək üçün hər cür səy göstərdiklərini ifadə edən Prezident Ərdoğan, danışıqlar prosesinin dəstəklənməsinin vacibliyini vurğulayıb.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.