REGİONLAR


“Regional İnkişaf” İctimai Birliyi Lənkəranda iaşə obyektlərinin inzibatçıları üçün təlim keçirib

Lənkəran, 4 fevral, Bağır Əliyev, AZƏRTAC

Heydər Əliyev Fondunun “Regional İnkişaf” İctimai Birliyinin (RİİB) təşkilatçılığı ilə “Regionlarda ictimai iaşə obyektlərində xidmət keyfiyyətinin yüksəldilməsi” layihəsi çərçivəsində növbəti təlim Lənkəran şəhərində keçirilib.

AZƏRTAC-ın bölgə müxbiri xəbər verir ki, təlim məşğələlərində Lənkəran, Astara, Masallı, Lerik, Yardımlı və Cəlilabad rayonlarının 20-dən çox restoran inzibatçısı iştirak edib.

İki gün davam edən təlimin məqsədi regionlarda mövcud ictimai iaşə obyektlərində xidmətin səviyyəsini yüksəltmək, bu obyektlərdə xidmət personalının bilik və təcrübələrini artırmaq, iaşə obyektlərində çalışanlara beynəlxalq təcrübəyə uyğun infrastruktur və sanitar-gigiyenik tələblərə dair metodiki kömək göstərmək, regionlarda turizmin inkişafına dəstək verməkdir.

Beynəlxalq sertifikatlı təlimçi Emin Novruzovun apardığı təlimdə iştirakçılara ictimai iaşə obyektlərində xidmətin təşkili, xidmət standartları və etiketləri, müştərilərlə davranış qaydaları, masa düzülüşü, gigiyena və sanitariya qaydaları, geyim tərzi, xarici görünüşə olan tələblər və digər mövzularda məlumatlar verilib, onlara qazandıqları bilikləri əyani nümayiş etdirmək imkanı yaradılıb.

Tədbir iştirakçılarına mövzu ilə bağlı maarifləndirici materiallar paylanılıb.

Qeyd edək ki, layihə Gənclər Fondunun 11-ci qrant müsabiqəsində qalib olub. Bu çərçivədə təlimlər indiyədək Şəki və Qubada təşkil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.