İDMAN


Regionlarda ağırlıqqaldırma zalları istifadəyə verilib

Bakı, 25 sentyabr, AZƏRTAC

Goranboy Olimpiya İdman Kompleksinin nəzdində, Gəncə şəhərində, Azərbaycan Dövlət Aqrar Universitetinin nəzdində, eləcə də Samux şəhərində ağırlıqqaldırma zalları istifadəyə verilib.

Gənclər və İdman Nazirliyindən AZƏRTAC-a bildirilib ki, zalların açılışında nazir Fərid Qayıbov, Azərbaycan Ağır Atletika Federasiyasının prezidenti İnam Kərimov və Milli Olimpiya Komitəsinin baş katibi Azər Əliyev iştirak ediblər.

Yeni istifadəyə verilən zallarda yaradılmış şəraitlə tanış olan qonaqlar idmançı və məşqçilərlə fikir mübadiləsi aparıb. Söhbət zamanı regionlarda bu idman növünün inkişafının əhəmiyyəti və geniş təbliği xüsusi vurğulanıb.

Səfərdə Fərid Qayıbov Şəki şəhərində “Buta” məktəbəqədər təhsil müəssisəsində istifadəyə veriləcək ağırlıqqaldırma zalı və İsmayıllı şəhərində Uşaq-Gənclər Şahmat İdman Məktəbinin nəzdində mövcud ağırlıqqaldırma zalının fəaliyyəti ilə də tanış olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.