CƏMİYYƏT


Regionlarda həyata keçirilən “Postmüharibə dövründə uşaqlara və şəhid ailələrinə psixososial dəstək” layihəsi başa çatıb

Bakı, 2 iyul, AZƏRTAC

Ermənistanın təcavüzü nəticəsində əziyyət çəkən ailələrin uşaqlarına sosial və psixoloji dəstək göstərilməsi istiqamətində tədbirlərin gücləndirilməsi məqsədilə Ailə, Qadın və Uşaq Problemləri üzrə Dövlət Komitəsi tərəfindən həyata keçirilən “Postmüharibə dövründə uşaqlara və şəhid ailələrinə psixososial dəstək” layihəsi başa çatıb.

Dövlət Komitəsindən AZƏRTAC-a bildirilib ki, Ağdam rayonunun Xındırıstan kəndindən və Goranboy rayonunun Qızılhacılı qəsəbəsindən olan 6-16 yaşlı 48 oğlan və 52 qız iştirakçını əhatə edən layihənin bağlanış mərasimi keçirilib.

Tədbirdə Ağdam və Goranboy Rayon İcra Hakimiyyəti, Təhsil Şöbəsinin nümayəndələri, məktəblərin kollektivi, layihənin psixoloqları və valideynlər iştirak ediblər.

Bağlanış mərasimində layihə iştirakçılarına Komitə tərəfindən hədiyyələr təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.