İDMAN


Rəhman Kazımov yeniyetmə ağır atletlərimiz arasında ilk dünya çempionu adını qazanıb

Bakı, 16 mart, AZƏRTAC

ABŞ-ın Las-Veqas şəhərində keçirilən yeniyetmə ağır atletlər arasında 8-ci dünya birinciliyi başa çatıb.

AZƏRTAC Azərbaycan Ağır Atletika Federasiyasına (AAAF) istinadla xəbər verir ki, 50 ölkədən 200-ə yaxın atletin mübarizə apardığı yarışda yığma komandamızın üzvü Rəhman Kazımov qızıl medal qazanıb.

Komandamızın üzvlərindən son olaraq körpücük üzərinə çıxan R.Kazımov (+102) birdən qaldırma hərəkətində 131 kiloqramı başı üzərinə qaldıraraq bu hərəkətdə beşinci yeri tutub. Təkanla qaldırmada isə idmançımız tarixi uğur əldə edib. Hər üç yanaşmasını uğurla yerinə yetirən Avropa birinciliyinin mükafatçısı 174 kiloqramı başı üzərinə qaldırmağı bacarıb. Bununla da atletimiz bu hərəkətdə bütün rəqiblərini üstələyərək dünya birinciliyinin qızıl medalına sahib olub. Azərbaycan yeniyetmə ağır atletikası tarixində indiyədək heç kim dünya birinciliyində nə ayrı hərəkətdə, nə də toplamda qızıl medal qazanmayıb. Bu baxımdan R.Kazımovun medalı bir ilkdir.

Toplam 305 kiloqram (131+174) nəticə ilə Rəhman Kazımov yekun sıralamada dördüncü yeri tutub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.