DÜNYA


“Renault”un 8 minədək işçisi nümayiş keçirib

Paris, 31 may, AZƏRTAC

Fransada “Renault” avtomobil zavodunun 8 minədək işçisi nümayiş keçirib. Dövlətin stimullaşdırma planı çərçivəsində 5 milyard avro yardımına baxmayaraq, “Renault” 15 min işçisini ixtisar edib.

AZƏRTAC xəbər verir ki, “Renault” avtomobil zavodu 3 il ərzində 2 milyard avro qənaət planı çərçivəsində dünyada 15 min, Fransada isə 4600 iş yerinin itirildiyini təsdiqləyib.

COVID-19 virusuna yoluxmaq təhlükəsi zavodun bağlanmasına etiraz olaraq 8 minədək işçinin nümayiş keçirməsinə mane olmayıb.

“Renault”un ən böyük səhmdarı olan Fransa dövlətinin (15 faiz) zavodu xilas etmək cəhdləri müsbət nəticə verməyib. Zavodun 2019-cu ildən çətinlikdə olduğu bildirilib.

Qeyd edək ki, “Renault-Nissan-Mitsubishi” alyansı 2017-ci ildə dünyanın aparıcı yüngül avtomobil istehsalçısı olub. Ancaq alyansın sabiq rəhbəri Karlos Qonun həcm və nəhənglik uğrunda yarışı gözlənilməz 2018-ci il sərt dönüşü ilə üzləşir və qrup iflasa uğrayır.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.