ELM VƏ TƏHSİL


Rəqəmsal çap sistemlərində yeniliklərlə bağlı elmi seminar

Bakı,14 iyul, AZƏRTAC

AMEA İnformasiya Texnologiyaları İnstitutunun növbəti onlayn elmi seminarında əməkdaş Xanımqız Ağabalayevanın “Rəqəmsal çap sistemlərində yeniliklər” mövzusunda məruzəsi dinlənilib.

İnstitutdan AZƏRTAC-a bildirilib ki, məruzəçi çap maşınlarının inkişaf tarixi haqqında danışıb. Qeyd edib ki, hazırda istifadə olunan rəqəmsal çap maşınları 1991-ci ildə Kaliforniyada “Nash Edition” tərəfindən işlənib-hazırlanıb. Rəqəmsal çap ənənəvi çap üsulları ilə müqayisədə kiçik həcmli tirajlar üçün daha səmərəlidir.

O, tekstil sahəsində bir nömrəli ekoloji risk faktorunun suyun çirklənməsi olduğunu deyib. Bildirib ki, ənənəvi tekstil emalı Yer üzünün qiymətli su mənbələrinin 20 faizini çirkləndirir. Sənayenin rəqəmsal çapa yönəlməsi ətraf mühitə təsirin azalmasına imkan yaradır.

“Rəqəmsal texnologiyalar ənənəvi tekstil çap zamanı çox enerji istifadə edir”, - deyən tədqiqatçı Yer kürəsində zəhərli karbon qazının yaranmasının 10 faizinin moda sənayesi istehsalının payına düşdüyünü diqqətə çatdırıb. Qeyd edib ki, təmiz, səmərəli tekstil istehsalına keçməklə iqlim dəyişikliyini azaltmaq olar.

Sonda məruzə ətrafında fikir mübadiləsi aparılıb, suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.