İQTİSADİYYAT


Rəqəmsal iqtisadiyyat və 4SİM texnologiyalarının tətbiqinin təşviqi ilə bağlı növbəti tədbir keçirilib

Bakı, 26 may, AZƏRTAC

İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin (4SİM) Koreya Respublikasının Milli İnformasiya Cəmiyyəti Agentliyinin (NIA) birgə təşkilatçılığı ilə “Koreya-Azərbaycan İKT seminarı” onlayn tədbiri keçirilib.

İqtisadiyyat Nazirliyinin mətbuat xidmətindən AZƏRTAC-a bildirilib ki, seminarın əsas mövzusu Koreyanın rəqəmsal iqtisadiyyat və Dördüncü Sənaye İnqilabı texnologiyalarının tətbiqi ilə bağlı ən yaxşı nümunələrini bölüşmək, bu sahədə əməkdaşlıq imkanlarını müzakirə etmək idi.

İki gün davam edən seminarda Koreyanın rəqəmsal iqtisadiyyat strategiyaları, rəqəmsal ticarət, məlumat (data) axını, “Ağıllı şəhər” siyasəti, Dördüncü Sənaye İnqilabı, “Ağıllı zavod”, rəqəmsal səhiyyə platforması ilə bağlı təqdimatlar keçirilib. Seminarda, həmçinin “Rəqəmsal iqtisadiyyatda əməkdaşlığın gələcəyini formalaşdırmaq” və “Dördüncü Sənaye İnqilabının təşəbbüsləri və siyasəti” adlı panel sessiyalar təşkil edilib, iştirakçıların sualları cavablandırılib.

Seminarda dövlət qurumları ilə yanaşı, özəl sektor və ali təhsil müəssisələrinin nümayəndələri də iştirak ediblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.