Rəşad Rəsullu: Əsas hədəf Olimpiadaya lisenziya qazananların ümumi reytinqində ilk “8-lik”də yer almaqdır

Bakı, 29 iyun, AZƏRTAC

Olimpiadaya lisenziya qazananların ümumi reytinqində ilk “8-lik”də olmaq əsas hədəfdir.

AZƏRTAC xəbər verir ki, bu sözləri Azərbaycan Cüdo Federasiyasının baş katibi Rəşad Rəsullu idman jurnalistlərinin beynəlxalq seminarı zamanı bildirib.

O qeyd edib ki, hazırda məqsəd təkcə 2024-cü ildə keçiriləcək Paris Yay Olimpiya Oyunlarına vəsiqə qazanmaqdan ibarət deyil. Eyni zamanda, o qədər xal toplamaq lazımdır ki, olimpiadada püşkatma zamanı səpələnmişlər səbətində yer almaq mümkün olsun. Vurğulayıb ki, olimpiadalarda kişi və qadın cüdoçular üzrə ümumilikdə 56 medalın 80 faizini səpələnmişlər səbətindəkilər qazanırlar.