ELM VƏ TƏHSİL


Rəsədxana əməkdaşı Çexiyada elmi-tədqiqatlarını davam etdirir

Bakı, 4 iyul, AZƏRTAC

AMEA-nın N.Tusi adına Şamaxı Astrofizika Rəsədxanasının Qoşa ulduzlar və eruptiv proseslər şöbəsinin müdiri, astronomiya üzrə fəlsəfə doktoru Səbinə Məmmədova Çex Respublikasının Ondrejev Astronomiya İnstitutunun dəvəti ilə həmin institutda birgə elmi-tədqiqat aparmaq üçün Praqa şəhərində elmi ezamiyyətdədir.

Bu barədə AZƏRTAC-a rəsədxanadan məlumat verilib.

Ezamiyyət müddətində Ulduzlar fizikası kafedrasının əməkdaşları ilə birgə praktiki və nəzəri iş aparılması nəzərdə tutulur. İkimetrlik Perek teleskopunda müşahidələr aparılması, əlavə olaraq avtomatik teleskopda fotometrik məlumatların əldə edilməsi və həmin məlumatlar əsasında birgə məqalələrin yazılması planlaşdırılır.

Qeyd edək ki, ezamiyyət xərcləri “Ekstremal massiv ulduzların fizikası” adlı, 823734 nömrəli Mariya-Sklodovskaya-Küri qrant layihəsi çərçivəsində Avropa İttifaqının Tədqiqat və İnnovasiya Proqramı - Horizon 2020 tərəfindən maliyyələşdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.