ELM VƏ TƏHSİL


Rəsədxanada tələbələrin istehsalat təcrübəsi başa çatıb

Bakı, 19 may, AZƏRTAC

AMEA N.Tusi adına Şamaxı Astrofizika Rəsədxanasında Bakı Dövlət Universitetinin Fizika fakültəsinin IV kurs tələbələrinin istehsalat təcrübəsi başa çatıb.

Rəsədxanadan AZƏRTAC-a bildirilib ki, təcrübə müddətində tələbələrə dərs planına uyğun olaraq rəsədxananın Bakı şəhər bölməsində nəzəri biliklər tədris edilib. Tələbələrə rəsədxananın alimləri tərəfindən astronomiyanın prioritet tədqiqat sahələri, Günəş sistemi, ulduzlar və onlarda baş verən proseslər, planetlər və qalaktikalar haqqında ümumi məlumat verilib.

İstehsalat təcrübəsinin nəzəri tədris müddətini başa vuran tələbələrə N.Tusi adına Şamaxı Astrofizika Rəsədxanasında praktiki dərslər keçirilib. Burada tələbələr rəsədxananın infrastrukturu və muzeylə tanış edildikdən sonra onlara teleskoplar və digər astronomik cihazlar, onların iş prinsipi və rəsədxanada aparılan əsas elmi-tədqiqat istiqamətləri üzrə tədris aparılıb.

Təcrübələrini uğurla başa vuran tələbələr onlara yaradılan şərait üçün rəsədxananın rəhbərliyinə dərin minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.