DÜNYA


Resessiya təhlükəsinin zəifləməsi fonunda Dow Jones indeksi 416 bənd artıb

Vaşinqton, 4 avqust, AZƏRTAC

ABŞ birja bazarlarında səhmlərin qiyməti iki gün ardıcıl olaraq azalandan sonra çərşənbə günü bahalaşma baş verib. Bu müsbət artım iqtisadi resessiya təhlükəsinin zəifləməsi ilə bağlıdır.

AZƏRTAC xəbər verir ki, Dow Jones sənaye indeksi 416,33 bənd və ya 1,29 faiz, S&P 500 indeksi 1,56 faiz, Nasdaq Composite indeksi isə 2,59 faiz artıb. Çərşənbə günü bu artımdan əvvəl dərc olunmuş iqtisadi məlumatlar iyul ayında ABŞ-da xidmətlər sektorunun dirçəlməsini göstərib. Xidmətlər sahəsində işgüzar fəallıq indeksi ISM 56,7-yə çatıb. Bu, iyun ayında qeydə alınmış 55,3 göstəricisi ilə müqayisədə gözlənilməz artımdır.

İqtisadiyyata təsir göstərmiş ümumi təchizat zəncirində problemlərin aradan qaldırılması müşahidə olunur. Korporativ gəlirlər də artmaqda davam edib: CVS aptek şəbəkəsinin səhmləri 6,3 faiz bahalaşıb. CVS şəbəkəsi mənfəətin gözlənildiyindən daha yüksək olduğunu, mənfəətin də illik proqnozdan yüksək olduğunu bildirib. Starbucks səhmləri 4,25 faiz, Disney səhmləri 4,11 faiz, Apple səhmləri isə 3,82 faiz artaraq Dow Jones indeksini üstələyib. Görünür, bu artım bazarda pozitiv əhval sayəsində baş verib, çünki ümumi mənfəət analitiklərin gözlədiyindən çox olub.

AZƏRTAC –ın Vaşinqton bürosu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.