İDMAN


Respublika Olimpiya Mərkəzində atletika üzrə Bakı çempionatının və birinciliyinin açılış mərasimi keçirilib

Bakı, 21 yanvar, AZƏRTAC

Yanvarın 21-də Respublika Olimpiya Mərkəzində atletika üzrə Bakı çempionatı və birinciliyinə start verilib.

AZƏRTAC xəbər verir ki, yarışda atletlər 60, 200, 400, 800, 1500 və 3000 metr məsafələrə qaçış, 4x200 metr məsafədə estafet qaçışı, uzunluğa, hündürlüyə və üçtəkanla tullanma, eləcə də nüvəitələmə yarışlarında qüvvələrini sınayırlar.

Çempionatın açılış mərasimində çıxış edən Azərbaycan Atletika Federasiyasının vitse-prezidenti Firat Hüseynov Prezident İlham Əliyevin idmanın inkişafına göstərdiyi yüksək diqqət və qayğı nəticəsində ölkəmizin dünyada idman dövləti kimi tanındığını diqqətə çatdırıb. O, Azərbaycanda idmanın digər növləri kimi, atletikanın da sürətlə inkişaf etdiyini bildirib, bu baxımdan belə turnirlərin əhəmiyyətini vurğulayıb.

Paytaxt çempionatında atletlərin göstərdikləri nəticələrin gələcəkdə onların beynəlxalq yarışlarda iştirakına imkan yaradacağını deyən Bakı Şəhər Gənclər və İdman Baş İdarəsinin rəisi Raqif Abbasov idmançılara uğurlar arzulayıb.

Gənclər və idman nazirinin müavini Mariana Vasileva Azərbaycanda idmanın sürətli inkişafına dövlətin diqqət və qayğısından danışıb, çoxsaylı yerli və beynəlxalq turnirlərin təşkil olunduğunu bildirib. O, ölkəmizdə atletikanın kütləviliyinin artırılması baxımından çempionatın önəmini vurğulayıb.

Ümumilikdə 150 idmançının qatıldığı çempionat iki gün davam edəcək. Çempionatda 8 komanda mübarizə aparır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.