CƏMİYYƏT


Respublika Seysmoloji Xidmət Mərkəzinin Zəlzələlərin tədqiqatı bürosu gücləndirilmiş iş rejimdə işləyir

Bakı, 7 aprel, AZƏRTAC

Nazirlər Kabineti yanında Operativ Qərargahın respublika ərazisində karantin rejimi elan etməsindən sonra bir sıra dövlət qurumları ilə yanaşı, Nazirlər Kabinetinin rəsmi icazəsi ilə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi (RSXM) məhdud sayda əməkdaşlarını işə cəlb etməklə fəaliyyətini gücləndirilmiş iş rejimində davam etdirir.

Mərkəzin informasiya şöbəsindən AZƏRTAC-a bildiriblər ki, RSXM ölkə ərazisində seysmoloji tədqiqatlar aparan yeganə dövlət təşkilatıdır. Mərkəzin hazırda 40 telemetrik seysmik stansiyası fəaliyyət göstərir. Həmin stansiyalardan məlumatlar peyk vasitəsilə birbaşa Zəlzələlərin Tədqiqatı Bürosuna ötürülür. Burda 35 ərazi və 5 regional seysmik stansiyanın məlumatları emal edilir. Hazırda stansiyalar və büro işini fasiləsiz olaraq real vaxt rejimində davam etdirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.