MƏDƏNİYYƏT


Respublika Uşaq Kitabxanası “Milli geyimlər və folklor” adlı görüş keçirib

Bakı, 14 mart, AZƏRTAC

Martın 14-də Firidun bəy Köçərli adına Respublika Uşaq Kitabxanası və Ukrayna Milli Uşaq Kitabxanası arasında “Sərhəd bilməyən incəsənət” layihəsi çərçivəsində “Milli geyimlər və folklor” adlı virtual görüş keçirilib.

Kitabxanadan AZƏRTAC-a bildirilib ki, tədbir Azərbaycan Milli Elmlər Akademiyasının (AMEA) Elmi Kitabxanasında reallaşıb.

Görüşdə Respublika Uşaq Kitabxanasının təşkilatçılığı ilə Xalça Muzeyində lentə alınmış Azərbaycanın milli geyimlərinin tarixi və Qarabağ xalçaları haqqında geniş məlumat və görüntünü əks etdirən videoçarx təqdim edilib.

Tədbir çərçivəsində məktəblilər maraqlı rəqs kompozisiya ilə çıxış ediblər. Sonra uşaqlar qədim “Aşıq yaradıcılığı” barədə məlumat verib aşıq sənətinin ən gözəl nümunələrini ifa ediblər.

Görüş çərçivəsində folklorumuz yüksək səviyyədə nümayiş olunub.

Novruz bayramı ərəfəsində keçirilən tədbir, ölkə hüdudlarından kənardakı uşaq kitabxanaları ilə sıx əməkdaşlıq etməklə uşaqlara yeni dostlar qazandırmaq və hər iki ölkənin milli geyim və folkloru haqqında oxucuları məlumatlandırmaq məqsədi daşıyıb.

Sonda kitabxananın direktor müavini Zahirə Dadaşova çıxış edərək, belə layihələrin uşaqların dünyagörüşünə müsbət təsirini vurğulayıb, əməkdaşlığa görə Ukrayna Milli Uşaq Kitabxanasına təşəkkür edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.