MƏDƏNİYYƏT


Respublika Uşaq Kitabxanası növbəti vəsaiti istifadəçilərin ixtiyarına verib

Bakı, 19 fevral, AZƏRTAC

F.Köçərli adına Respublika Uşaq Kitabxanasının elmi metodika şöbəsi tərəfindən 21 fevral - Beynəlxalq Ana Dili Günü münasibətilə hazırlanan “Beynəlxalq Ana Dili Günü” adlı vəsait istifadəçilərin ixtiyarına verilib.

AZƏRTAC xəbər verir ki, vəsait mərkəzi kitabxanaların uşaq şöbələri, Mərkəzləşdirilmiş Kitabxana Sistemlərinin şəhər, qəsəbə, kənd kitabxana filialları üçün nəzərdə tutulub.

Əsas məqsəd dilimizin qorunub saxlanması, ədəbiyyatımızda ana dilinin mövqeyi, dilimizin tarixi yolu, dil haqqında görkəmli şəxsiyyətlərin fikirləri haqqında oxucuları məlumatlandırmaqdır.

Vəsaitin I hissəsində “Azərbaycan dili - milli varlığımızdır” adlı esse, virtual kitab sərgisi, oxucu konfransı, şeir və rəsm müsabiqəsi, kitab müzakirəsi, bədii qiraət, ədəbi bədii gecə kimi tədbirlər planının ssenarisi verilib.

Vəsaitdə nümayiş olunan sərgidə Azərbaycan dilinin özünəməxsusluğunu, təbii dil xüsusiyyətlərini, tarixi zənginliyini, Azərbaycan dilinin müasir təzahür formalarını əks etdirən kitab və dövri mətbuat materialları, həmçinin müstəqillik dövründə Azərbaycan dili haqqında imzalanmış fərman və sərəncamlar da yer alıb.

Vəsaitin II hissəsində Gülarə Munisin “Ana dilim can dilim” kitabının onlayn icmalı haqqında, Cəlil Məmmədquluzadənin “Ana Dili” felyetonu əsasında hazırlanmış səhnəciyin ssenarisi də verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.