MƏDƏNİYYƏT


Respublika Uşaq Kitabxanasında növbəti tədbir - “Ən böyük sərvətimiz - Ana dili” 

Bakı, 21 fevral, AZƏRTAC

Fevralın 20-də F.Köçərli adına Respublika Uşaq Kitabxanasında Beynəlxalq Ana Dili Günü münasibətilə “Ən böyük sərvətimiz - Ana dili” adlı tədbir keçirilib.

AZƏRTAC xəbər verir ki, tədbir Azərbaycan Respublikasının Dövlət Himninin oxunması ilə başlayıb.

Tədbirdə çıxış edən kitabxananın elmi işlər üzrə direktor müavini Zahirə Dadaşova, şagirdlərə öz doğma dilinin varlığını hiss etmək, onunla qürur duymaq, onu qorumaq, inkişaf etdirməklə bağlı fikirlərini bildirib. Qeyd edib ki, Azərbaycan dilinin dövlət dili səviyyəsinə yüksəlməsində ümummilli lider Heydər Əliyevin tarixi xidmətləri var. Bu gün də Azərbaycan dövləti milli-mənəvi dəyərlərin qorunmasına və dilimizin inkişafına böyük qayğı ilə yanaşır.

Tədbir zamanı bu günün yaranma tarixi haqqında məlumat verilib. Məktəblilər Ana dilimizə həsr olunmuş mahnıları ifa ediblər.

Bundan əlavə, şagirdlər dilimizə həsr edilən müdrik kəlamlar və ədəbi-bədii kompozisiyalar da nümayiş etdirib.

Sonda uşaqlara kitabxana tərəfindən kitablar hədiyyə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.