REGİONLAR


Respublikada 622,6 min hektar sahədə payızlıq əkinlər üçün şum aparılıb

Bakı, 18 sentyabr, AZƏRTAC 

Respublikada payızlıq əkinlər üçün şum prosesi davam edir. Ümumilikdə, bu il 1 milyon 47 min 136 hektar sahədə payızlıq şum proqnozlaşdırılır.

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a verilən məlumata görə, sentyabrın 18-dək 622 min 689 hektar sahədə şum aparılıb, bu da ötən ilin müvafiq dövrü ilə müqayisədə 196 min 493 hektar çoxdur. Artıq ölkə üzrə payızlıq əkin üçün proqnozlaşdırılan sahələrin 59,5 faizi şumlanıb.

Şum prosesinə 2350 traktor cəlb olunub. Ağcabədi rayonunda payızlıq əkin şumu tam yekunlaşıb, rayon ərazisində 29 min 175 hektar sahədə şum aparılıb. Füzuli (95,7 faiz), Xocavənd (92,9 faiz), Salyan (92,1 faiz), Bərdə (89,9 faiz), Qobustan (89,9 faiz), Oğuz (88,8 faiz), Kürdəmir (88,5 faiz), İmişli (87,8 faiz), Goranboy (85,5 faiz), Ağstafa (84,2 faiz), Sabirabad (82,6 faiz), Şəmkir (82,5 faiz) rayonlarında şum prosesinin yaxın günlərdə yekunlaşacağı gözlənilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.