DÜNYA


Rəssam hərracın gedişində qiyməti milyon dolları ötən əsərini məhv edib

Bakı, 6 oktyabr, AZƏRTAC

Britaniyalı küçə rəssamı Benksinin “Qız və şar” əsəri Londonun “Sotheby's” satış evində müəllifin özü tərəfindən məhv edilib. Hərracın təşkilatçıları və iştirakçıları bu prosesi heyrətlə izləyiblər.

AZƏRTAC TASS informasiya agentliyinə istinadla xəbər verir ki, qiyməti 860 min funt-sterlinqə (1,1 milyon dollar) çatan rəsm əsəri çəkicin son zərbəsindən sonra “öz-özünü məhv etməyə” başlayıb. Belə ki, rəssam çərçivənin aşağı hissəsində kağızı xırdalamaq üçün mexanizm gizlədib və o, hərrac zamanı işə düşüb.

Yaradıcılığında sosial bərabərsizlik və hökumətin ikiüzlülüyü məsələlərini işıqlandıran Benksinin əsərləri böyük populyarlıq qazanıb. Rəssam indiyədək öz şəxsiyyətini gizli saxlamağa nail olub – onun zahiri görünüşü və əsl adı yaxınlarından başqa heç kimə məlum deyil. 2010-cu ildə Benksinin ictimaiyyətə təqdim etdiyi “Suvenir dükanından çıxış” sənədli filmi “Oskar” mükafatına namizəd olub.

Trafaretin köməyi ilə çəkilən “Qız və şar” qraffiti əsəri Benksinin ən məşhur rəsmlərindən biridir. Orada havaya qırmızı şar uçuran qız uşağı təsvir olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.