İDMAN


“Reyncers”in qapıçısı Alan Makqreqor UEFA Avropa Liqasının tarixinə düşüb

Bakı, 19 may, AZƏRTAC

Şotlandiyanın “Reyncers” klubunun qapıçısı Alan Makqreqor UEFA Avropa Liqasının tarixinə düşüb.

AZƏRTAC xəbər verir ki, Almaniyanın “Ayntraxt” (Frankfurt) klubuna qarşı matça start heyətində çıxan qolkiper turnirin finalında mübarizə aparan ən yaşlı oyunçu adını qazanıb.

40 yaş 107 günlüyündə olan Makqreqor bu göstərici ilə avrokubokların tarixində üçüncüdür. O, yalnız italiyalı həmkarı Dino Zoff (41 yaş 86 gün) və niderlandlı qapıçı Edvin van der Sardan (40 yaş 211 gün) geri qalır.

Qeyd edək ki, İspaniyanın Sevilya şəhərindəki "Ramon Sançes Pisxuan" stadionunda keçirilən final oyunu “Ayntraxt” klubunun qələbəsi ilə yekunlaşıb - 1:1, penalti 6:5.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.