DÜNYA


Riqa sakinlərinin sayı 2050-ci ilədək 90 min nəfər azalacaq

Riqa, 27 fevral, AZƏRTAC

Latviyada 2011-2019-cu illərdə qeydə alınmış sakinlərin sayındakı tendensiyalar davam edərsə, Riqanın hazırkı əhalisinin sayı (633 min) 2030-cu ilədək 600 min, 2050-ci ilədək isə 544 min nəfərə qədər azala bilər.

AZƏRTAC xəbər verir ki, bu barədə “LETA” informasiya agentliyi Latviya Elmlər Akademiyasının İqtisadiyyat İnstitutunun araşdırmasına istinadən xəbər yayıb.

Hesabat 2021-2027-ci illər ərzində paytaxtın inkişaf proqramının tədqiqi çərçivəsində Riqa Şəhər Şurasının sifarişi ilə hazırlanıb. Alimlərin proqnozuna əsasən, ümumiyyətlə Latviyada 2030-cu ildə 6 yaşadək olan uşaqların sayı cəmi 144 min nəfər təşkil edəcək. Eyni zamanda, paytaxt ətrafında yaşayan sakinlərin sayında dəyişiklik müşahidə olunmayacaq.

Asiman Əsədov

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.