DÜNYA


Riqada cinayətkarların üzərində axtarış zamanı 38 min Ermənistan dramı tapılıb

Riqa, 8 fevral, AZƏRTAC

Latviya Dövlət Polisi Riqa mərkəzi bazarında aksizli malların qanunsuz dövriyyəsinə qarşı mübarizənin nəticələrini elan edib.

AZƏRTAC Latviya polisinin hesabatına istinadla xəbər verir ki, iki cinayətkar qruplaşmanın fəaliyyətinin qarşısı alınıb. Təhqiqatın gedişində 270 sanksiyalaşdırılmış axtarış aparılıb. Polis xüsusilə səmərəli olmuş axtarışların nəticələri barədə ətraflı məlumat verib.

Belə ki, bir axtarış zamanı 231.579 ədəd qeyri-leqal siqaret, 131 litr qeyri-leqal spirtli içki, habelə xeyli pul, o cümlədən təqribən 71,5 min avro, 32,5 min rubl və 38 min Ermənistan dramı, təqribən 2 qram kokain, 2 qram marixuana, qiymətli əşyalar, qiymətli daş-qaş və iki ədəd qaz pistoleti aşkar edilib.

Daha bir axtarış zamanı 217 min ədəd qeyri-leqal siqaret, 732 litr qeyri-leqal spirtli içki, təqribən 8.800 avro, qiymətli əşyalar və bahalı saatlar müsadirə edilib.

 

Aygün Əliyeva

AZƏRTAC –ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.