DÜNYA


Robotlaşdırılmış quşlar aeroportda növbətçilik edəcək

Bakı, 23 iyun, AZƏRTAC

Əksər böyük aeroportlar hava hərəkətinin təhlükəsizliyi üçün ciddi təhlükə törədən lələklilər kimi "çağırılmamış qonaqlar"dan əziyyət çəkir. Əvvəllər bunun üçün səsli və ya lazer qurğularından istifadə olunurdu. Bir sıra hava limanlarında arzuolunmaz heyvanların ürküdülməsi üçün ovçu quşlardan ibarət "şahin quş dəstələri" saxlanılır. Kanadanın Edmonton Aeroportunda isə bu işi robotlaşdırılmış şahin yerinə yetirməyə başlayıb.

AZƏRTAC "Belta" resursuna istinadən xəbər verir ki, "Robird" adlanan robot Niderland mütəxəssisləri tərəfindən hazırlanıb. Forma, rəng, hərəkət və uçuş xüsusiyyətlərinə görə robotlaşdırılmış şahin heç də həqiqi quşdan fərqlənmir. Vəhşi quşlar robotu canlı quş və ac yırtıcı kimi qəbul edərək onun olduğu yerdən uzaqlaşmağa çalışırlar.

Məlumata görə, saatda 80 kilometr sürət toplayan robot-quş uzaq məsafədən avadanlıq vasitəsilə idarə olunur. Hazırda robot-quş aeroportda növbətçilik etsə də, onun tətbiqedilmə sahəsi hava məkanının mühafizəsi ilə məhdudlaşmayacaq.

Bu texnologiyanın tətbiqi üçün vacib sahələrdən biri də kənd təsərrüfatı hesab olunur. Mütəxəssislər tezliklə səmada robotlaşdırılmış şahinlər dəstəsinin görünəcəyini istisna etmirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.