İDMAN


“Roma” baş məşqçisi Eusebio Di Françeskonu istefaya göndərib

Bakı, 8 mart, Nicat Məmmədov, AZƏRTAC

İtaliyanın “Roma” klubu baş məşqçi Eusebio Di Françesko ilə yollarını ayırıb.

AZƏRTAC klubun saytına istinadla xəbər verir ki, bu qərar komandanın Portuqaliyada “Portu”ya 1:3 hesabı ilə uduzduğu UEFA Çempionlar Liqasının səkkizdəbir final mərhələsinin cavab görüşündən sonra qəbul olunub. Həmin məğlubiyyətdən sonra paytaxt təmsilçisi turnirdə mübarizəsini dayandırıb, baş məşqçi isə mətbuat konfransına qatılmayıb. UEFA-nın 50 yaşlı mütəxəssisi cərimələyəcəyi bildirilir.

Qeyd edək ki, Eusebio Di Françesko 2017-ci ildən “Roma”nın baş məşqçisi vəzifəsində çalışır.

İtalyan mütəxəssis paytaxt təmsilçisi ilə ən yaxşı nailiyyəti UEFA Çempionlar Liqasında yarımfinal mərhələsinə yüksəlməsi olub. Hazırda “Roma” İtaliya A Seriyasında 26 oyundan 44 xalla 5-ci pillədə qərarlaşıb və 4-cü yerdəki “İnter”dən 3 xal geri qalır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.