İDMAN


Romen Qrojan Formula 1 yarışlarının mininci mərhələsinə xüsusi dəbilqə dizaynı hazırlayıb

Bakı, 8 aprel, AZƏRTAC 

Formula 1-in “Haas” komandasının fransalı yürüşçüsü Romen Qrojan çempionatın 1000-ci mərhələsi olacaq qarşıdakı Çin Qran-Prisinə xüsusi dəbilqə dizaynı hazırlayıb.

AZƏRTAC xəbər verir ki, R.Qrojanın yeni dəbilqəsinin dizaynı məhz bu hadisəyə həsr edilib. Komandanın standart loqotipləri ilə yanaşı, onun üzərində Formula 1-in loqotipi, “1000” rəqəmi və Race1000 həştəqi yerləşdirilib.

Xatırladaq ki, Formula 1 çempionatı tarixində 1000-ci yürüş Çində təşkil ediləcək. Çin Qran-Prisi bu il aprelin 12-dən 14-dək Şanxayda keçiriləcək.

2019-cu ilin dünya çempionatının iki mərhələsindən sonra heç bir xal da toplamayan Romen Qrojan şəxsi hesabda ən son sıradadır. O, bir dəfə də olsun finişə çatmayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.