İDMAN


Ronaldo dubl edərək karyerasında 800 və 801-ci qolunu vurub

Bakı, 4 dekabr, AZƏRTAC

İngiltərə Premyer Liqasının 14-cü turu çərçivəsində keçirilən “Mançester Yunayted” – “Arsenal” matçı həm “Qırmızı şeytanlar”, həm də klubun portuqaliyalı forvardı Kriştiano Ronaldo üçün əlamətdar sonluqla bitib.

AZƏRTAC xarici KİV-ə istinadla xəbər verir ki, “Old Trafford”da baş tutan həmin oyunda “Mançester Yunayted” 3:2 hesabı ilə qalib gəlib. Bu qələbədə ən çox pay sahibi Kriştiano Ronaldo olub. Hesab 1:2 “Topçular”ın xeyrinə olduğu zaman Ronaldo sözünü deyə bilib. Matçın 52-ci dəqiqəsində Markus Reşfordun ötürməsini qola çevirərək hesabda bərabərlik yaradan Ronaldo 72-ci dəqiqədə penalti zərbəsi ilə dubl etməklə “Mançester Yunayted”ə qələbə qazandırıb.

Həmçinin portuqaliyalı forvard “Mançester Yunayted”in heyətində 130-cu, karyerasında isə 800 və 801-ci qolunu vurub. Bu göstərici ilə Ronaldo peşəkar futbol tarixində birinci olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.