İQTİSADİYYAT


Rövnəq Abdullayev: İlin sonunadək Heydər Əliyev adına NEZ-də yeni bitum istehsalı qurğusu istismara veriləcək

Bakı, 19 sentyabr, AZƏRTAC 

Bu ilin sonunadək Heydər Əliyev adına neft emalı zavodunda (NEZ) yeni bitum istehsalı qurğusunun istismara verilməsi planlaşdırılır.

AZƏRTAC xəbər verir ki, bu barədə SOCAR-ın prezidenti Rövnəq Abdullayev deyib.

“İlin sonunadək, həmçinin “SOCAR Polymer” layihəsi üzrə yüksəksıxlıqlı polietilen zavodu, eləcə də Karbamid zavodu istismara veriləcək”, - deyə R.Abdullayev bildirib.

Xatırladaq ki, 2016-cı il sentyabrın 19-da NEZ-in yenidən qurulması layihəsi çərçivəsində yeni bitum istehsalı qurğusunun təməli qoyulub. Qurğunun illik istehsal gücü 400 min ton olacaq və bu qurğuda “EN 40/60” markalı yol bitumu istehsal ediləcək. Yeni bitum istehsalı qurğusunun inşası Heydər Əliyev adına neft emalı zavodunda aparılacaq yenidənqurma tədbirlərinin ilkin mərhələsi olacaq. Bu qurğunun inşası məqsədilə detallı layihələndirmə, satınalma və tikintinin idarə edilməsi işlərinin həyata keçirilməsi üçün bu sahədə qabaqcıl təcrübəyə malik Avstriyanın “Poerner” şirkəti ilə Heydər Əliyev adına neft emalı zavodu arasında müvafiq müqavilə imzalanıb. Yeni bitum istehsalı qurğusunun inşası ilə keçmiş “Azərneftyağ” neft emalı zavodunun mövcud infrastrukturu tamamilə istismardan çıxarılacaq, dənizkənarı ərazilər boşaldılaraq “Ağ şəhər” layihəsinin reallaşdırılması üçün təhvil veriləcək. Bundan əlavə, Heydər Əliyev adına neft emalı zavodunun istismar xərcləri optimallaşdırılacaq və ölkə yüksək keyfiyyətli neft bitumu ilə təmin ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.