İQTİSADİYYAT


Rüfət Məmmədov: Dövlətimiz Gürcüstanda “Azərbaycan Ticarət Evi”nin açılması layihəsini dəstəkləməyə hazırdır

Batumi, 11 iyul, AZƏRTAC

Azərbaycan dövləti xarici iqtisadi əlaqələrin daha da genişləndirilməsi ilə bağlı bir sıra layihələri nəzərdən keçirir. Bu layihələrdən biri də xarici ölkələrdə “Azərbaycan Ticarət Evi”nin yaradılmasıdır. Azərbaycan dövləti Gürcüstanda, eləcə də digər ölkələrdə “Azərbaycan Ticarət Evi”nin açılmasına dəstək verməyə hazırdır.

AZƏRTAC xəbər verir ki, bu sözləri jurnalistlərə müsahibəsində İqtisadiyyat nazirinin müavini Rüfət Məmmədov deyib.

Onun sözlərinə görə, Gürcüstanda belə bir evin açılmasına özəl sektor təşəbbüs göstərməlidir. Əgər belə bir təşəbbüs olsa Azərbaycan hökuməti onu dəstəkləməyə hazırdır.

R.Məmmədov deyib ki, Gürcüstan bazarında Azərbaycan biznesi çox geniş təmsil olunub. Azərbaycan şirkətləri Gürcüstanda kifayət qədər fəaldırlar. Azərbaycan investorları üçün Gürcüstan bazarı çox maraqlıdır. Gürcüstan ixracatçıları da Azərbaycan bazarına böyük maraq göstərirlər.

“Azərbaycan Gürcüstan ilə ticari-iqtisadi əlaqələrini daha da genişləndirməyə maraqlıdır. Bu məqsədlə gürcü tərəfdaşlarla bu istiqamətdə işlər aparılır”, - deyə nazir müavini vurğulayıb.

Xətayi Əzizov

AZƏRTAC-ın xüsusi müxbiri

Batumi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.