SİYASƏT


Rumıniya, Bolqarıstan və Yunanıstan KİV-ləri Türkiyə Prezidentinin Şuşaya səfərini diqqət mərkəzində saxlayıb

Buxarest, 17 iyun, AZƏRTAC

Türkiyə Prezidenti Rəcəb Tayyib Ərdoğanın erməni işğalından azad edilmiş Şuşa şəhərinə səfəri və tarixi Şuşa Bəyannaməsinin imzalanması Rumıniya, Bolqarıstan və Yunanıstanın qabaqcıl KİV-lərinin diqqət mərkəzində olub.

AZƏRTAC xəbər verir ki, AGERPRES milli xəbər agentliyi, “G4media”, “Ziarelive” nəşrləri, “Club.Bg”, Bolqarıstan Teleqraf agentliyi, Fokus xəbər agentliyi, “Blacksea news” xəbər portalı, “Protothema” nəşri və digərləri Şuşa şəhərinin 1992-ci ildə Ermənistan qoşunlarının nəzarəti altına keçməsi barədə məlumat verib. Ötən ilin noyabr ayında isə Azərbaycan qoşunları tərəfindən Şuşanın öz qanuni sahiblərinə qaytarılması bildirilib. Qeyd olunub ki, Türkiyə və Azərbaycan prezidentləri Şuşada danışıqlar aparıb və iki ölkə arasında bir neçə sahədə, o cümlədən təhlükəsizlik sahəsində əməkdaşlıq əlaqələrinin dərinləşməsinə yönəlmiş müttəfiqlik münasibətləri haqqında Bəyannamə imzalayıblar. Bu sənədin ikitərəfli münasibətləri ən yüksək səviyyəyə qaldırması barədə deyilib. Bəyannamədə birgə müdafiə və Azərbaycan ilə Türkiyə arasında qarşılıqlı hərbi yardım məsələlərinin əksini tapdığı vurğulanıb.

İqbal Hacıyev

AZƏRTAC-ın xüsusi müxbiri

Buxarest

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.