DÜNYA


Rumıniya koronavirusa yoluxmuş xəstələri başqa ölkələrə göndərməyə başlayıb

Buxarest, 23 oktyabr, AZƏRTAC

Rumıniyada koronavirusla bağlı vəziyyət daha da kəskinləşib.

AZƏRTAC xəbər verir ki, üç ağır koronavirus xəstələri Buxarestdən Polşadakı xəstəxanaya göndərilib. Ağır xəstələr Polşanın Lodz şəhərindəki reanimasiya şöbəsinə aparılacaq. Bunlar Buxarestdə təcili yardım şöbələrinə qəbul edilmiş, intubasiya edilmiş və ixtisaslaşmış tibbi yardıma ehtiyacı olan xəstələrdir. İndiyədək 30 nəfər koronavirusa yoluxan Rumıniya vətəndaşı Macarıstandakı xəstəxanalara köçürülüb. Avstriya Macarıstan və Polşadan sonra Rumıniyadan COVID-19 xəstələrini qəbul edən üçüncü Avropa ölkəsi olacaq. Bundan əlavə, Danimarkadan iki həkim qrupu Buxarestdəki Matei Balş İnstitutuna reanimasiyada olan xəstələrə kömək etmək üçün gələcək. Fransa da Rumıniyaya tibbi personal göndərəcəyini vəd edib. Həmçinin Moldova Respublikasının tibb işçiləri artıq Rumıniyadadırlar və İaşi xəstəxanasında xəstələrə xidmət göstərirlər.

İqbal Hacıyev

AZƏRTAC-ın xüsusi müxbiri

Buxarest

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.