Rumıniyada beş yaşından yuxarı uşaqların koronavirusa qarşı peyvənd edilməsinə başlanılıb VİDEO

Buxarest, 26 yanvar, AZƏRTAC

Rumıniyada beş yaşdan on bir yaşa qədər uşaqların koronavirusa qarşı peyvənd edilməsinə başlanılıb.

AZƏRTAC xəbər verir ki, peyvəndləmə ancaq valideynlərin razılığı ilə və təyinat əsasında aparılır. Ölkədə “Pfizer” və “BioNTech” şirkətləri tərəfindən hazırlanmış xüsusi uşaq peyvəndi “Comirnaty”dən istifadə edirlər.

Qeyd edilib ki, peyvəndləmə zamanı 21 gün fasilə ilə iki doza tətbiq olunur. Rumıniyanın hakimiyyət orqanları omikron ştamının yayılması ilə əlaqədar yetkinlik yaşına çatmayanların peyvənd olunmasını zəruri hesab edir və bunu, ilk növbədə, xroniki xəstəlikləri olan uşaqlara tövsiyə edir.

İqbal Hacıyev

AZƏRTAC-ın xüsusi müxbiri

Buxarest