İQTİSADİYYAT


Rumıniyanın Cənub Qaz Dəhlizinə qoşulma imkanları müzakirə edilib

Bakı, 27 fevral, AZƏRTAC

Energetika naziri Pərviz Şahbazov Cənub Qaz Dəhlizi Məşvərət Şurasının VI iclası çərçivəsində ölkəmizdə səfərdə olan Rumıniyanın İqtisadiyyat, Energetika və Biznes Mühiti nazirinin müavini Nikulae Havriletin başçılıq etdiyi nümayəndə heyəti ilə görüşüb.

Energetika Nazirliyindən AZƏRTAC-a bildirilib ki, görüşdə “Transgaz S.A” və “Romgaz S.A” şirkətlərinin təmsilçiləri də iştirak edib.

Görüş zamanı Rumıniya ilə xam neft, neft məhsulları və neft-kimya məhsullarının ticarəti sahəsində əməkdaşlıq əlaqələrindən danışılıb. Enerji sahəsində əməkdaşlığın inkişafı istiqamətində Cənub Qaz Dəhlizi Məşvərət Şurası formatının yaratdığı imkanlardan bəhs edilib.

P.Şahbazov Rumıniyanın son illərdə Cənub Qaz Dəhlizi Məşvərət Şurası çərçivəsində nazirlərin toplantısında davamlı iştirakını layihəyə marağın göstəricisi kimi qiymətləndirib. Azərbaycan və Rumıniya arasında strateji tərəfdaşlıq münasibətlərinin enerji sahəsində hər iki ölkənin maraqlarına gələcəkdə də töhfə verəcəyini bildirib.

Rumıniyanın İqtisadiyyat, Energetika və Biznes Mühiti nazirinin müavini N.Havrilet isə Cənub Qaz Dəhlizinin əhəmiyyətindən bəhs edərək ölkəsinin gələcəkdə bu layihədə iştirak etməkdə maraqlı olduğunu diqqətə çatdırıb. O, dəhlizin gələcəkdə Mərkəzi Avropaya qədər genişləndirilməsində Bolqarıstan-Rumıniya interkonnektoru və “BRUA” layihəsinin imkanlarından istifadənin mümkünlüyü ilə bağlı fikirlərini bölüşüb.

Görüşdə iki ölkə arasında enerji sahəsində gələcək əməkdaşlıq perspektivlərinə dair fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.