Rumıniyanın sabiq maliyyə naziri 8,5 il müddətinə azadlıqdan məhrum edilib

Buxarest, 25 mart, AZƏRTAC

Rumıniya Ali Məhkəməsi sabiq maliyyə naziri Sebastyan Vladeskunu 8 il 6 ay müddətinə azadlıqdan məhrum edib.

AZƏRTAC yerli KİV-lərə istinadla xəbər verir ki, S.Vladesku korrupsiyada və 2005-ci ildə Rumıniya Dəmir Yollarına (CFR) dəstək olmaq üçün yönəldilmiş dövlət vəsaitlərinin mənimsənilməsində iştirakda təqsirli bilinib. Ehtimala görə, 2005-2011-ci illər ərzində qeyri-qanuni əməliyyatların dövriyyəsi 100 milyon dollardan çox olub.

Qeyd edək ki, Vladesku 2005-2007-ci illərdə, həmçinin 2009-2010-cu illərdə Rumıniyanın Maliyyə Nazirliyinə rəhbərlik edib.

İqbal Hacıyev

AZƏRTAC-ın xüsusi müxbiri

Buxarest