ELM VƏ TƏHSİL


Rusiya Ali İqtisadiyyat Məktəbi UNEC müəllimləri üçün ixtisasartırma təlimləri təşkil edib

Bakı, 13 avqust, AZƏRTAC

Rusiya Ali İqtisadiyyat Məktəbi Milli Tədqiqat Universiteti (MTU) Azərbaycan Dövlət İqtisad Universitetinin (UNEC) müəllimləri üçün onlayn ixtisasartırma təlimləri təşkil edib. UNEC ilə Rusiya Ali İqtisadiyyat Məktəbi MTU arasında imzalanan ikili diplom proqramı çərçivəsində təşkil olunan təlimlərdə Rus İqtisad Məktəbinin 20 müəllimi iştirak edib. Azərbaycan Dövlət İqtisad Universiteti tərəfindən maliyyələşdirilən 2 həftəlik təlimlər hər iki ali təhsil müəssisəsi arasındakı ikili diplom proqramının fənlərini tədris edəcək müəllimlər üçün təşkil olunub.

UNEC-dən AZƏRTAC-a bildirilib ki, Rusiya Ali İqtisadiyyat Məktəbinin müəllimlərinin keçdiyi təlimlər iqtisadiyyata giriş, xətti cəbr və riyazi analiz fənlərinin müasir tədris metodları, fənlərin tədris proqramında olan növbəti fənlərlə qarşılıqlı əlaqəsi, fənn mövzularının tədris xüsusiyyətləri və digər mövzularda olub.

Kurslar uğurla yekunlaşıb və müəllimlərin qiymətləndirilməsi aparılıb. UNEC-in 20 müəllimi Rusiya Ali İqtisadiyyat Məktəbi MTU-nun xüsusi vəsiqəsini qazanıb. Müəllimlər UNEC ilə Rusiya Ali İqtisadiyyat Məktəbinin ikili diplom proqramının fənlərini tədris etmək imkanı əldə ediblər.

Xatırladaq ki, bu il mayın 12 –də UNEC-in rektoru, professor Ədalət Muradov və Rusiya Ali İqtisadiyyat Məktəbi MTU-nun rektoru Yaroslav Kuzminov arasında maliyyə, mühasibat, iqtisadiyyat, marketinq və menecment ixtisasları üzrə bakalavr pilləsində ikili diplom proqramı imzalanıb. Sənədə əsasən, tələbələr ikili diplom proqramına I kursun ikinci semestrindən qoşulacaqlar. Proqramı uğurla bitirərək UNEC-dən məzun olan bakalavrlar 4 ilə hər iki universitetin diplomunu əldə edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.