İQTİSADİYYAT


“Rusiya Dəmir Yolları” İranda həyata keçirdiyi infrastruktur layihələrini dayandırıb

Tehran, 5 aprel, AZƏRTAC

“Rusiya Dəmir Yolları” şirkəti İranda həyata keçirdiyi infrastruktur layihələrini dayandırıb.

AZƏRTAC xəbər verir ki, bu barədə şirkətin mətbuata açıqlamasında bildirilib. Qeyd edilib ki, şirkət İran dəmir yollarını elektrikləşdirmək üçün hazırlanmış birgə layihədən çıxır və ümid edir ki, bu, Rusiya və İran Dəmir Yolları idarələrinin əməkdaşlığına maneə yaratmaz. Layihəyə əsasən şirkət İranın Ramsar-İncə Burun dəmir yolu xəttində elektrik (elektrovoz) qatarların hərəkətini təmin etməli idi.

“Rusiya Dəmir Yolları” Tehrandakı filialını bağladığını elan edib və İrandakı layihələrdən çıxmasının səbəbini açıqlamayıb. Lakin bildirilib ki, şirkət Hindistan, Serbiya və Kubada həyata keçirdiyi layihələri davam etdirəcək.

Xatırladaq ki, “Rusiya Dəmir Yolları” şirkəti Şimal-Cənub Beynəlxalq Nəqliyyat Dəhlizinə daxil olan dəmir yolunun İrandan keçən hissəsində də elektrik işlərini həyata keçirməyə razılıq vermişdi.

İran tərəfi hələlik bu məsələyə münasibət bildirməyib.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.