ELM VƏ TƏHSİL


Rusiya Elmlər Akademiyası ilə AMEA arasında əməkdaşlıq perspektivləri müzakirə olunub

Bakı, 11 sentyabr, AZƏRTAC 

Rusiya Elmlər Akademiyasının (REA) prezidenti, akademik Aleksandr Sergeyevlə Azərbaycan Milli Elmlər Akademiyasının (AMEA) vitse-prezidenti, akademik İbrahim Quliyev arasında görüş keçirilib.

AMEA-dan AZƏRTAC-a bildirilib ki, REA-nın Rəyasət Heyətində keçirilən görüşdə elmi araşdırma və innovasiyalar üzrə yol xəritəsinin icrası ilə bağlı iki qurum arasında əməkdaşlıq perspektivləri müzakirə olunub.

Görüşdə, həmçinin 2020-ci ildə “Xəzəryanı dövlətlərin əməkdaşlığının yeni arxitekturası” elmi-praktik forumunun, Xəzər dənizinin bioloji müxtəlifliyi və ekologiyasının öyrənilməsi məqsədi ilə birgə ekspedisiyaların təşkili, Xəzərdə seysmik şəbəkənin yaradılması, Qafqazın geodinamikasına dair məlumat bazalarının formalaşdırılması, nüvə təbabəti və kosmik tədqiqatlar sahəsində müştərək tədqiqatlar həyata keçirilməsi barədə fikir mübadiləsi aparılıb.

Akademik İbrahim Quliyev, həmçinin Rusiya Dövlət Geoloji Kəşfiyyat Universitetində keçirilən “Yerin qaz ixracı” (Qazovoe dıxanie Zemli) adlı qiraətlərdə tələbə və magistrantlara mühazirə oxuyub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.