Bakı, 2 mart, AZƏRTAC

Rusiya Prezidenti Vladimir Putin bu gün Şimali Qafqaz Federal Dairəsinə işgüzar səfər edəcək.

AZƏRTAC TASS agentliyinə istinadla xəbər verir ki, Rusiya Prezidenti “Müəllimlər ili”nin açılış mərasiminin keçiriləcəyi “Maşuk” Bilik Mərkəzinə baş çəkəcək, həmçinin Stavropol diyarının qubernatoru Vladimir Vladimirovla görüşəcək.

Kremlin mətbuat xidmətinin məlumatına görə, Prezident Çeçenistan Respublikasında, Suriyada döyüş tapşırığını yerinə yetirərkən və Ukraynada xüsusi hərbi əməliyyat zamanı Rusiya Federasiyasının Qəhrəmanı adına layiq görülmüş şagirdləri yetişdirmiş müəllimlərə dövlət mükafatlarını təqdim edəcək, “Müəllimlər məktəbinin” iştirakçıları ilə görüşəcək.