DÜNYA


Rusiya qiymət həddi tətbiq edən ölkələrə neft satmayacaq

Moskva, 6 oktyabr, AZƏRTAC

Rusiya üçün neftin qiymətinə hədd tətbiq edən ölkələrə neft satmaq məqsədəuyğun deyil.

AZƏRTAC xəbər verir ki, bu fikri Rusiya baş nazirinin müavini Aleksandr Novak jurnalistlərə söyləyib. Onun fikrincə, neftin qiymətinə məhdudiyyət qoyulması qiymətinin artmasına səbəb olacaq.

Rusiya rəsmisi deyib ki, RF büdcəsi neftin bir barelinin qiymətinin 70 dollar məbləğində satışına uyğun formalaşdırılıb.

O hesab edir ki, Avropa ölkələri tərəfindən neftin qiymətinə qoyulan məhdudiyyət Rusiyada neft hasilatının müvəqqəti azalmasına, eləcə də neft daşınmasının qiymətinin və daşınma müddətinin artmasına səbəb olacaq.

A.Novak OPEK+ qərarından sonra Rusiyanın bu il 530 milyon ton, gələn il isə 490 milyon ton neft hasil edəcəyini bildirib.

Eyni zamanda, A.Novak Rusiyanın “Şimal axını-2” kəmərinin ikinci qolu ilə qaz tədarükünə hazır olduğunu qeyd edib.

 
Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.