DÜNYA


Rusiya şirkəti Qırmızı dənizdə təbii qaz axtaracaq

Bakı, 26 iyul, AZƏRTAC

Sudan Qırmızı dənizdə mövcudluğuna inanılan təbii qaz ehtiyatlarının kəşfiyyatı üçün Rusiya şirkəti ilə razılığa gəlib.

AZƏRTAC xarici KİV-lərə istinadla xəbər verir ki, Sudan hökuməti həmin təbii qaz ehtiyatlarının aşkarlanması üçün Rusiyanın “Ross Geology” şirkəti ilə müqavilə imzalayıb.

Sudanın neft və qaz naziri Azhari Abdul-Gadir Abdallah və Rusiyanın təbii sərvətlər və ətraf mühit naziri Dmitry Kobylkinin rəhbərlik etdiyi nümayəndə heyətləri paytaxt Xartumda görüşüb. İmzalanan müqaviləyə görə, “Ross Geology” Sudanla razılaşdıraraq Qırmızı dənizdə təbii qazın kəşfiyyatını aparacaq. Axtarış işlərinə nə zaman başlanacağı bildirilməyib.

Sudanlı nazir deyib ki, Qırmızı dəniz ölkənin mərkəzi hesab olunur. Port Sudan şəhərində neft-təbii qaz axtarmaq və karbohidrogenlərin kəşfi üçün lazımi addımlar atılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.