DÜNYA
Rusiya tütün məhsullarına aksizin artırılmasını təxirə salır
Bakı, 3 avqust, AZƏRTAC
Rusiya Dövlət Dumasının Aşağı Palatası tütün məhsullarına tətbiq olunan aksiz vergisinin dərəcəsinin artırılmasını 2018-ci ilin iyulunadək təxirə salmağı qərara alıb. Hazırda isə bu verginin dərəcəsi 1000 siqaret üçün 1562 rubl (26,44 ABŞ dolları) təşkil edir.
AZƏRTAC vergiler.az saytına istinadla bildirir ki, Rusiya qanunvericiliyinə görə, aksiz vergisinin artırılmasının təxirə salınması haqqında qərar parlamentin Yuxarı Palatasının təsdiqindən və Rusiya Prezidentinin fərmanından sonra qüvvəyə minə bilər. Hökumətin planına əsasən, gələn ilin iyul ayından tütün məhsulları üzrə aksiz vergisi 1000 siqaret üçün 1718 rubla (29 ABŞ dolları) qaldırılacaq.
Rusiyanın nəhəng tütün bazarında “BAT”, “İmperial Brands”, “Japon Tabaco” və “Philip Morris” kimi xarici şirkətlər üstünlük təşkil edir.