DÜNYA


Rusiya və Türkiyə koronavirusa qarşı peyvənd üzərində birgə işləyəcəklər

Moskva, 23 may, AZƏRTAC

Rusiya İstehlakçıların Hüquqlarının Müdafiəsi və İnsan Rifahı üzrə Federal Xidmətinin (“Rospotrebnadzor”) rəhbəri Anna Popova və Türkiyə Səhiyyə nazirinin müavini Əminə Alp Meşə koronavirus infeksiyası ilə mübarizə məsələlərini müzakirə ediblər.

AZƏRTAC xəbər verir ki, tərəflər, həmçinin koronavirusa qarşı peyvənd hazırlanması ilə bağlı məsələləri də nəzərdən keçiriblər. Rusiya və Türkiyə rəsmiləri qeyd ediblər ki, hər iki ölkədə epidemiyaya qarşı görülən kompleks tədbirlər infeksiyanın geniş yayılmasının qarşısını alır. Türkiyə tərəfi Rusiya ilə koronavirusa qarşı peyvənd hazırlanması üzərində işləməyə hazır olduğunu vurğulayıb. Görüşdə alimlərin və ekspertlərin məsləhətləşmələr keçirməsinə dair razılıq da əldə edilib.

Xatırladaq ki, mayın 18-də Rusiya və Türkiyə prezidentləri Vladimir Putin və Rəcəb Tayyib Ərdoğan arasında telefon danışığı zamanı koronavirusun müalicə metodlarının və peyvənd hazırlanması sahəsində əməkdaşlığın vacibliyi qeyd olunmuşdu.

 

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.