DÜNYA


Rusiya və Türkiyə prezidentləri arasında telefon danışığı olub

Moskva, 28 noyabr, AZƏRTAC

Noyabrın 28-də Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan arasında telefon danışığı olub.

AZƏRTAC Kremlin mətbuat xidmətinə istinadla xəbər verir ki, prezidentlər Suriyada vəziyyətlə bağlı müzakirələri davam etdirib, İdlibdə vəziyyətin sabitləşməsi haqqında Memorandumun həyata keçirilməsi, o cümlədən terrorçu qruplaşmalarla mübarizə aparılması istiqamətində birgə səyləri gücləndirmək barədə razılığa gəliblər.

İki ölkə liderlərinin noyabrın 19-da İstanbulda keçirilmiş görüşünün yekunları fonunda Rusiya-Türkiyə əməkdaşlığının bəzi aspektlərinə də toxunulub. Həmçinin Qara dəniz regionunda sabitlik və təhlükəsizlik məsələlərinə dair fikir mübadiləsi aparılıb.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.