DÜNYA


Rusiyada etnoqrafiya üzrə beynəlxalq imla aksiyası keçirilir

Moskva, 2 noyabr, AZƏRTAC

Rusiya Federasiyasının bütün 85 regionundakı 2600 meydançada “Etnoqrafiya üzrə böyük imla” beynəlxalq aksiyası keçirilir.

AZƏRTAC xəbər verir ki, Rusiyada etnoqrafiya üzrə keçirilən sayca üçüncü imla aksiyasında iştirak etmək arzusunda olanlar öz etnoqrafik bilik səviyyəsini yoxlaya bilərlər.

İmlanın tapşırıqları 30 sualdan ibarətdir. Onlardan 20-si bütün iştirakçılar üçün ümumi, 10-u isə xüsusi və hər regionun yerli xüsusiyyətləri nəzərə alınmaqla hazırlanan suallardır. İmlanın yazılması üçün hər iştirakçıya 45 dəqiqəlik vaxt verilir. Bütün tapşırıqların yerinə yetirilməsi üçün maksimal qiymət 100 bal təşkil edir.

Qeyd edək ki, etnoqrafiya üzrə ilk beynəlxalq imla aksiyası 2016-cı ildə keçirilib.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.