DÜNYA


Rusiyada iki yol qəzası nəticəsində 10 nəfər həlak olub

Bakı, 24 avqust, AZƏRTAC

Rusiyada şənbə günü baş verən iki yol-nəqliyyat hadisəsi nəticəsində 10 nəfər həlak olub.

AZƏRTAC TASS informasiya agentliyinə istinadla xəbər verir ki, avqustun 24-nə keçən gecə Moskva-Volqoqrad trasında minik avtomobili avtobusla toqquşub. Qəzaya Hyundai Solaris avtomobilinin əks hərəkət zolağına çıxması səbəb olub. Hadisə nəticəsində minik avtomobilindəki beş nəfər həyatını itirib.

İkinci ağır qəza isə bu gün səhər Kaluqada baş verib. Annenki rayonunda MAZ markalı yük maşını qarşı hərəkət zolağına çıxaraq Kia Sportage avtomobilinə çırpılıb. Minik avtomobilində olan beş nəfərin hamısı, o cümlədən iki uşaq həlak olub. Yük avtomobilinin yaralanan sürücüsü xəstəxanaya yerləşdirilib.

Hazırda polis işçiləri hadisə yerində araşdırma aparırlar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.